23 Jun Juan Carlos Sola Fekoorreko zuzendariak 28 urteko kudeaketaren ondoren agur esango duela iragarri du Batzar Nagusian
Bizkaiko Arnasa Fibrosi Kistikoaren Elkartea erakundeko kide egin da
Juan Carlos Solak asteazken honetan iragarri zuen Fekoorreko Batzar Nagusian zuzendari izateari agur esango ziola, 28 urtez Bizkaiko Gutxitasun Fisikoa eta/edo Organikoa duten Pertsonen Federazioaren buru izan ondoren.
Solak 67 urte beteko ditu abuztuaren 5ean, eta erretiroa hartzea erabaki du erakundean “kimu berriei” lekua uzteko, elkarte-sarea handitu eta “gure kolektiboaren aldeko erakunde-lankidetzarekin eta aldarrikapen-lanarekin jarrai dezaten”.
Agur esaterakoan, Fekoorreko zuzendariak erakundea osatzen duten 18 elkarteen lana eskertu zuen, baita ia 30 urte hauetan lagun izan duen talde profesionalarena ere, Federazioa “desgaitasun fisiko eta organikoaren Bizkaiko erreferentetzat” hartzea lortu baitute; izan ere, “9.000 bazkide inguru ditu”.
“Fekoor eta erakundea osatzen duten pertsonak aldaketaren eragile bihurtu gara, etxean gelditzeari uko egiten dion eta kalera borrokatzera eta bere eskubideak aldarrikatzera irteten den kolektibo baten ordezkari”, adierazi du.
Bere kudeaketaren balantzea egiterakoan, Solak aitortu zuen “argiak eta itzalak” egon direla. Alderdi positibo gisa, Arbolarte gaikuntza-zentroa eta Etxegoki laguntzadun apartamentuak martxan jarri izana azpimarratu zuen. “Zerbitzu horiei esker, bizimodu independenterako eredu baterantz egin dugu aurrera, pertsonei nahi duten bezala bizitzeko eta diren bezalakoak izateko behar dituzten gaitasunak emanez”.
Zerbitzua zuzenean ematea
“Itzalei” dagokienez, esan zuen “zapore gazi-gozoarekin esan duela agur, oraindik ez dugulako lortu laguntza pertsonaleko zerbitzua zuzenean ematea, pertsona bakoitzak, bere desgaitasuna edozein dela ere, noiz, non eta nola bizi erabaki ahal izan dezan”.
«Nahi dugun lekuan bizitzeko behar adina laguntza izateak aukera ematen digu askeago izateko, komunitatearen parte aktiboa izateko eta eskubideen subjektutzat hartuak izateko, eta borroka horretan jarraitu behar dugu», gaineratu zuen.
Juan Carlos Solaren erreleboaz gain, Fekoorreko Batzar Nagusiak Arnasa Bizkaia Federazioko kide egitea berretsi zuen. Bizkaiko Fibrosi Kistikoaren Elkarteak, 1983tik gure Lurralde Historikoan arlo horretan lanean ari bada ere eta 50 familia batzen baditu ere, orain Fekoorreko kide izatea erabaki du, “zerbitzuak eta laguntzak gehitzeko aukera emango digun erakunde baten laguntza eta gizarte-sarea izateko”, Hermitas Enriquez presidenteak nabarmendu zuenez.
Urteko bileran erabaki zen, halaber, erakundeko hurrengo presidentea ASEBIER Arantza Bifidoa eta Hidrozefalia gaixotasun arraroen Euskadiko Elkartekoa izatea.