20 Jun Fekoor aldizkariaren urteko alea argitaratu dugu: Irisgarritasuna orain!

Fekoorren, gure aldizkariaren urteko edizio berria aurkezten dugu. Aurten, arreta berezia jarri diogu oraindik desgaitasuna duten pertsonen kolektiboari eragiten dion erronka nagusietako bati: etxebizitza duin, irisgarri eta egokitu bat izateko eskubidea.

50 orrialde baino gehiagotan, benetako testigantzak, elkarrizketak, azterketa teknikoak eta elkartegintzatik eskatzen ditugun premiazko irtenbideak jasotzen ditugu, oraindik ere existitzen diren oztopoak agerian uzteko.

Zenbait eduki nabarmen honako hauek dira:

🔹 Rosalía Cuadrado eta Rosa Martínez bezalako pertsonen bizipenak, oztoporik gabeko etxebizitza baten garrantzia erakusten digutenak.

🔹 Fekoorren aldarrikapenak Eusko Jaurlaritzaren aurrean, etxebizitzarako sarbidea hobetzeko: lege-aldaketarako proposamen zehatzak, laguntza ekonomikoak eta izapideak sinplifikatzeko neurriak.

🔹 Hirigintza osasungarriari buruzko artikulu bat, bi emakume arkitekto adituk sinatua.

🔹 Virginia Carcedo-rekin egindako elkarrizketa, desgaitasuna duten pertsonen eskubideetan adimen artifizialak duen eraginari buruz.

🔹 Zaintzari, zaldiekin lagundutako terapiari, kulturari, sormen-jarduerei eta bizitza independenteari eskainitako gune bereziak.

🟡 Aldizkaria PDF formatuan irakur dezakezu, baliabide erabilgarrien esteka aktiboekin, esteka honetan:
👉 Irakurri aldizkaria hemen

Fekoorretik eskerrak eman nahi dizkiegu edizio hau posible egin duzuen pertsona guztiei, eta bereziki, zuen bizipenak partekatu dituzuenoi, gizarte bidezkoago eta inklusiboago baterantz aurrera egiten jarraitzeko.

Etxebizitza irisgarria ez da luxua. Eskubide bat da.