25 Sep Aniztasunaren Eguna izango da, FEKOOR eta federazioko 21 elkarteen eskutik
Bihar, irailaren 26an, larunbata, Aniztasunaren Eguna izango da Bilboko Doña Casilda parkean, FEKOORren eskutik.
Federazioa osatzen duten 21 elkarteak informazio-guneetan egongo dira, egiten duten lana herritarrei gerturatzeko. Jardunaldian zehar, ordezkatzen dituzten gaixotasun eta patologien inguruan egiten duten sentsibilizazio- eta zaintza-lana ezagutaraziko dute.
Era berean, administrazio publikoen aurrean eskubideak defendatzeko eta gizarte inklusiboago, irisgarriago eta parte-hartzaileago baterantz aurrera egiteko egiten duten aldarrikapen-lana azalduko dute.
Jardunaldia 11:00etan hasiko da, eta ordu horretatik aurrera haurrentzako jolasak egongo dira. 12:00etan agintariei harrera egingo zaie eta 12:45ean Lilo & 7Kale taldearen musika emanaldia hasiko da.
Jardunaldiari buruzko informazioa
- Eguna: irailak 26, larunbata.
- Hasiera-ordua: 11:00.
- Lekua: Bilboko Doña Casilda parkea, lehengo saskibaloi-kantxetan, gaur egungo kalistenia-parkean.
- Haurrentzako jolasak: 11:00etatik aurrera.
- Agintariei harrera: 12:00etan.
- Lilo & 7Kale taldearen kontzertua: 12:45ean.
Fekoorrek herritar guztiak gonbidatzen ditu bertaratzera, elkarteak ezagutzera eta aniztasunari eta parte-hartzeari eskainitako jardunaldia partekatzera.
Entzunarazi zure ahotsa. Egin Fekoor.