Search

PROGRAMAK

AISIALDIA

FEKOOReko bazkideentzat aisialdi eskaintza zabala dugu. Kultura, kirola, turismoa, jolas-programa… guztiak helburu berarekin: aukera berdintasunean eta gizarteko esparru guztietan aisialdiaz gozatzeko baliabideak erraztea. Gure programa-eskaintzari esker, urtero 300 lagunetik gora dute aisialdiaz gozatzeko aukera. Orotara, bederatzi programa eskaintzen ditugu:

Jarduera Soziokulturalak

“Sancho Azpeitia” Jarduera Soziokulturalen egoitzaren helburua aisialdi eta kultura inklusiboan erreferente bihurtzea da. Giza-esperientzia integralaren ikuspuntutik, hiru oinarri hauek ardatz hartuta: bizimodu independentea, bizi-kalitatearen hobekuntza eta komunitatean parte-hartzea.

Ikuspuntu honekin, diziplina anitzeko lantalde batek izaera soziokulturaleko jarduerak diseinatu eta eskaintzen ditu desgaitasun fisikoa edota organikoa duten pertsonen aisialdi beharrak asetzeko eta aisialdiaz, kulturaz eta giza-harremanez gozatzeko aukera eskainiz, beti ere hiru oinarri hauek kontuan hartuta: aukera berdintasuna, bizimodu independentea eta bizitza-kalitatea.

Programa honek jarduera hauek eskaintzen ditu: tailer sortzaileak (pintura, arte plastikoak eta bestelako adierazpide sortzaile batzuk), aisialdira bideratutako teknologiak (ordenadore, mugikor, tablet eta beste gailuak), ingelesa, euskara, gimnasia, erlaxazioa, oinarrizko psikologia, arteterapia, ikus-entzunezkoak, aisialdia edo kantua. Sartu hemen 2022ko programan.


Matrikula  urte osoan zabalik. Izena ematea hemen.

Senitartekoen atseden programa

Programaren xedea da desgaitasun fisikoa eta dependentzia maila altua duten pertsonen zaintzaz arduratzen diren senitartekoei atsedena ematea euren bizitza-kalitatea eta ongizatea hobetzeko. Atseden programa asteburuetara eta oporraldietara bideratuta dago.

Era berean, dependentzia maila altua duten pertsonei askotariko aisialdi jardueraz gozatzeko aukera ematen zaie, begirale baten laguntzarekin eta beharrezkoa duten bakarkako arreta eta babesarekin. Kontuan hartuz, noski, ostatuak irisgarriak behar dutela izan eta garraioa egokitua.

Senitartekoen atseden programa eredu ezberdinak garatzen ditugu: asteburukoa, udako 15 eguneko oporraldia eta bost eguneko oporraldia Aste Santuan, Gabonetan edo bestelako egun berezietan.

Norentzat da?

Jarraian zehazten diren baldintzak betetzen dituzten pertsonen zaintzaz arduratzen diren senitartekoentzat edo zaintzaileentzat:

  • 18 urtez gorakoak.
  • Bizkaian erroldatu eta familiaren etxean bizi direnak; ez dago bakarrik edo erresidentzia batean bizi direnentzat bideratuta.
  • Desgaitasunaren portzentajea % 65eko tasa gainditzen dutenak.
  • Mendekotasun fisiko maila altua dutenak.

Kirola

FEKOOReko bazkideei kirol-jarduera ezberdinak egiteko aukera eskaintzen diegu: batez ere eskia, boccia, mahai-tenisa eta padela. Helburua da kirol horiek egiteko erraztasunak ematea (ekonomikoak, materialak, giza-baliabideak…) eta bizitza kalitatea hobetzea.

 

FEKOOR K.E. 2004 urtean sortu zen, eta orduz geroztik erreferentea izan da Bizkaiko kirol egokituaren garapenean desgaitasun fisikoa edota organikoa duten pertsonentzat. 1.000 kirol- eta jolas-lizentzia kudeatzen ditu, eta kirol ekitaldi garrantzitsuak sustatzen ditu arestian zehaztutako kiroletan.

 

Egun, gure Kirol Elkarteko hiru kirol-egitura hauek sustatzen ditugu: mahai-tenisa (San Ignacio kiroldegia), gurpildun-aulkiko padela (Zamudioko Es Mas Padel Taldea) eta boccia (Erandioko Altzaga kiroldegia, helduentzat; eta San Ignacio kiroldegia, eskola-kirolarentzat). Gure taldeek entrenatu eta lehiatu egiten dute, oso emaitza onekin gainera. Kirol-taldeetako jardunaz gain, gure taldeekin entrenatu ahal izateko kirol materiala alokatzen diegu eskaera egiten duten bazkideei (txirrindularitzarako handbike-ak, eski-aulkiak, padelerako aulkiak…).

 

FEKOOR K.E. 2004 urtean sortu zen, eta orduz geroztik erreferentea izan da Bizkaiko kirol egokituaren garapenean. 1.000 kirol- eta jolas-lizentzia kudeatzen ditu, eta kirol ekitaldi garrantzitsuak sustatzen ditu arestian zehaztutako kiroletan.

Norentzat da?

OPORRAK

Aisialdirako eskaintza onenak bilatzen ditu, atzerriko edo estatu mailako bidaiak eskainiz. Helburua da aisialdiari eta turismoari lotutako esperientziak bizitzea, beti ere mugikortasun murriztua duten pertsonen beharrak asetzera bideratuta.

 

Hogei urteko esperientzia bildu dugu Europan eta estatuen zehar bidaiak antolatzen, beti ere bi helburu hauek kontuan hartuta: irisgarritasun fisikoa bermatzea eta eskaintzarik onena bilatzea. Bi irizpide horiez gaiz, beharrezkoak diren azpiegiturak jartzen ditugu programan parte-hartzen duten pertsonen eskura.

 

Norentzat da?

% 33ko edo gehiagoko desgaitasun fisikoa edo organikoa egiaztatzen duten FEKOOReko bazkideentzat. Mugikortasun urriko pertsonek soilik izango dute laguntzailearekin bidaiatzeko aukera; horrela dela egiaztatu beharko dute gainera.

TXANGOAK

Hilean behin, Bizkaiko edota inguruko turismo eta kultura gune erakargarrienetara egun osoko txangoak antolatzea da programaren xedea. Txangoa egiteko beharrezkoak diren baliabideen irisgarritasun maila aintzat hartzen da.

Norentzat da?

  • Bizkaiko edota inguruko turismo eta kultura gune erakargarrienetara egun osoko edo egun erdiko txangoak antolatzea da programaren xedea. Txangoa egiteko beharrezkoak diren baliabideen irisgarritasun maila aintzat hartzen da.

     

    Norentzat da?

    % 33ko edo gehiagoko desgaitasun fisikoa edo organikoa egiaztatzen duten FEKOOReko bazkideentzat. Txangoan zehar laguntza behar duten pertsonek laguntzailearekin bidaiatu behar dute. Aulki elektrikoak mugatuta daude, gehienez zazpi txangoko. Plazak izen-emate hurrenkera errespetatuz esleituko dira.

Asteburuko irteera

Asteburuak topera gozatzeko helburua duen programa. Oporrak programako ezaugarri berak hartzen ditu, baina laburragoak izaten dira, bizpahiru eguneko iraupenarekin.

 

Norentzat da?

% 33ko edo gehiagoko desgaitasun fisikoa edo organikoa egiaztatzen duten FEKOOReko bazkideentzat. Mugikortasun urriko pertsonek soilik izango dute laguntzailearekin bidaiatzeko aukera; horrela dela egiaztatu beharko dute gainera. Aulki elektrikoak mugatuta daude, gehienez zazpi txangoko.