Atzo, urtarrilak 28, asteazkena, Arbolarte zentroko erabiltzaileek bizikleta egokituz egindako paseo batez gozatu dute Bilbon barrena; hiria beste ikuspuntu batetik ezagutzeko modu ezberdin eta atsegina, zalantzarik gabe.

Fekoorren aisialdi-jarduera hau Bilboko Udalak bultzatutako eta Bizkaiko Gurutze Gorriak kudeatutako “Adinak bizi – Bicis sin edad” programaren barruan kokatzen da. Ekimen honi esker, adinekoek, mugikortasun murriztua dutenek edo desgaitasunen bat duten pertsonek doako paseoak egin ditzakete bizikleta egokituetan, boluntarioen laguntzari esker.

Programaren helburua autonomia, zahartze aktiboa eta gizarte-partaidetza sustatzea da, eta hiriko hainbat auzotara zabaldu da pixkanaka. 2022an martxan jarri zenetik, mila pertsonak baino gehiagok hartu dute parte, eta belaunaldien arteko aisialdi inklusiboko esperientzia gisa sendotu da.