29 Apr Bizkaiko emakumeen osasun kardiobaskularrari begiratu beharra

Gaixotasun kardiobaskularrak dira euskal emakumeen heriotza-kausa nagusia. Eragin hori handia den arren, historikoki, emakumeen sintomak gutxiago ezagutu eta diagnostikatu dira; maiz, estresarekin edo antsietatearekin nahastu ohi direlarik.

#FEKOORek, Bizkaiko Emakumeen Partaidetzarako Kontseiluko beste elkarte batzuekin batera, egindako talde-lanaren emaitza aurkezten dugu.

Urte eta erdiko lankidetza horren fruitu gisa, bi material argitaratu ditugu: informazio-triptiko bat eta azterketa-dokumentu zabal bat. Baliabide horiek genero-ikuspegitik heltzen diote osasun kardiobaskularrari, eta desgaitasunak, zaintza-kargak eta gizarte-faktoreek emakumeen osasunean duten zuzeneko eragina ikusarazten dute.

Informatzea da prebenitzeko eta ahalduntzeko lehen urratsa. Dokumentu hauek deskargatzera eta partekatzera gonbidatzen zaitugu.

Triptikoa eta Dokumentu Osoa deskargatzeko esteka