29 Jul Irisgarritasuna C-3 Aldiriko lineari, Bilbo-Urduña

Uztailaren 27tik, astelehen honetatik, Bilbo eta Urduña arteko tren bidaia errazago da mugikortasun urrituak dituzten pertsonentzat.

Eusko Jaurlaritzak C-3 Aldiriko linean hiru tren berri egokitu jarri ditu, mugikortasun urrituei egokituak, eta laugarren unitate bat gorde du erreserba gisa, zerbitzua bermatzeko.

Tren horiek 447 ereduko trenak dira. Bilbo eta Urduña artean 22 geldialdi egiten dituzte, eta bueltan beste 22. Bidaia bakoitzak ordu bat irauten du. Batez ere jende-mugimendu handieneko orduetan zirkulatzen dute: goizeko lehen orduan, eguerdian eta arratsaldean.

Kontuz honekin: trena irisgarria izateak ez du esan nahi geltoki guztiak irisgarriak direnik. Geltoki bakoitzean egiaztatu dugu gurpil-aulkian igotzea eta jaistea segurua den ala ez. Araudiaren arabera, trenaren eta nasaren arteko tartea gehienez 7,5 cm izan behar da, eta desnibela gehienez 5 cm.

Irisgarriak, seguruak edo araudira hurbil dauden geltokiak (10):
Abando, Miribilla, La Peña, Bidebieta-Basauri, Arrigorriaga, Areta, Laudio, Amurrio Iparralde, Amurrio eta Urduña.

Garrantzitsua: trenera igo eta jaistea segurua izateak ez du esan nahi geltoki osoa irisgarria denik (baliteke igogailurik ez egotea, trenbideen arteko trenbide-pasagunea izatea, arrapalarik ez egotea, eta abar). Bidaiatu aurretik, egiaztatu informazio hori.

Tren egokituak zein ordutan dabiltzan jakiteko, deitu Renferen bezeroarentzako arreta zerbitzura: 944 879 256 / 912 320 320.

Ordutegiak bakarrik kontsultatu nahi badituzu, erabili Renfe Cercanías aplikazioa (renfe.com-etik deskargatzen da) edo Renferen webgunea zuzenean.

Gurpil-aulkian sartzeko, erdiko bagoiko erdiko atetik sartzen da. Bertan bainu egokitua badago ere, une honetan ez dabil.