19 Oct «Gure gorputzak. Lurralde anitzak» argazki-erakusketa ibiltaria San Inazio – Ibarrekolandako Udaltegira iritsi da

Fekoorretik Bilboko auzoak zeharkatzen jarraitzen dugu «Gure gorputzak. Lurralde anitzak / Nuestros cuerpos. Territorios diversos» argazki-erakusketarekin. Gaurtik aurrera, urriaren 19tik, eta azaroaren 16ra arte, erakusketa ikusgai egongo da San Inazio – Ibarrekolandako Udaltegian, Bilboko Udalaren Expo Distrito (Kultura Barrutik) ekimenaren barruan.

Erakusketak Sheila González Azcona artistak zuri-beltzean egindako 33 argazki biltzen ditu. Irudi horiek sentsibilitate, edertasun eta errespetu sakonez erakusten dute ezintasun fisikoa duten emakumeen gorputza.

Izaskun Jiménez Fekoorreko Berdintasun teknikariak azpimarratu bezala:

«Desgaitasuna duten emakumeek iragazki bikoitza jasan behar izan dute historikoki: gizarteak emakumeen gorputzei ezartzen diena eta desgaitasunari berari ezartzen zaiona. Erakusketa honekin gorputz guztiak ederrak direla eta desgaitasuna begiratzen duenaren begiradan dagoela erakusten dugu».

Sensibilizazio sozialerako eta eskubideak aldarrikatzeko proiektu hau posible da egileak lana lagatzeari esker eta ONCE Fundazioa zein COCEMFE erakundeen lankidetzari esker, biak ala biak genero-berdintasunarekin eta inklusio errealarekin konprometituta baitaude.

Erakusketa ibiltariaren hurrengo geldialdiak:

• San Inazio – Ibarrekolanda: Urriaren 19tik azaroaren 16ra (Oraineko erakusketa)

• Begoña: Azaroaren 18tik abenduaren 4ra

• Errekalde: Abenduaren 9tik urtarrilaren 5era

Informazio praktikoa:

• Non: San Inazio – Ibarrekolandako Udaltegian (Bilbo).

• Noiz: Urriaren 19tik azaroaren 16ra.

• Sarrera: Doakoa eta librea.

Gonbidatuta zaude erakusketa bisitatzera eta ekimen hau zabaltzera, gorputz-aniztasuna ikusarazten eta inklusio erreala bultzatzen jarraitzeko.